LM 4 Seater Black

LM 350h-ის (შვიდადგილიანი) მართვის მონაცემები პირდაპირ საქარე მინაზე აისახება ფერადი გამოსახულებით. ეს 10" საპროექციო გამოსახულება საქარე მინაზე შესაძლებლობას გაძლევთ შეამოწმოთ ნავიგაცია, უსაფრთხოების პარამეტრები, ინფორმაცია და აუდიო პარამეტრები ისე, რომ გზას თვალი არ მოაშოროთ. მისი გამოყენება მარტივია საჭეზე განლაგებული სენსორული გადამრთველების წყალობით.

LM 350h-ის თითქმის ჩუმი, ოთხადგილიანი სალონი უზრუნველყოფს იდეალურ პირობებს შეკვეთით დამზადებულ, 23 დინამიკიან Mark Levinson®-ის პრემიალურ აუდიო სისტემის ფუნქციონირებისთვის. სტანდარტული და მაღალი კლასის კომპლექტაციისთვის, ის შემუშავებულია ჩვენი ერთგული აუდიო-პარტნიორის მიერ. ეს ექსკლუზიური სისტემა ოპტიმიზებულია ავტომობილის შიდა არქიტექტურის შესაბამისად. სისტემა გთავაზობთ 7.1 არხიანი სახლის კინოთეატრის გამოცდილებას და მოიცავს 3D Mark Levinson® Surround და Quantum Logic Immerson სისტემებs, ხოლო Clarifi ტექნოლოგია აანალიზებს შეკუმშული ხმის წყაროს და ავსებს დაკარგულ მონაცემებს განსაკუთრებული ხარისხის აკუსტიკის მისაღებად. კიდევ უფრო კარგი ჟღერადობის მისაღწევად დინამიკები განლაგებულია განიერ ჭერზე, რითაც სამგზანომილებიანი ჟღერადობა წარმოიქმნება. ტიხრიანი დინამიკები 48" ეკრანის ზემოთ ისეა განლაგებული, რომ ყურებს უთანაბრდებოდეს, ხოლო თავისი მძლავრი და მრავალფეროვანი ჟღერადობით ორიგინალური მუსიკის ატმოსფეროს ქმნიდნენ. და ბოლოს, Blu-ray წამკითხველი, რომელიც ინტეგრირებულია ტიხრის ქვედა მარცხენა მხარეს, მუშაობს Blu-ray, DVD და CD დისკებზე.

დღის საათებში მოტოციკლების აღმოჩენასთან ერთად, დახვეწილია Lexus-ის შეჯახების პრევენციის სისტემა, რაც საშუალებას იძლევა აღიკვეთოს პოტენციური შეჯახების მრავალი შემთხვევა, მაგალითად, მარცხნივ/მარჯვნივ მოხვევის დროს და საცობის გარღვევის მცდელობისას. სისტემას ასევე შეუძლია ამოიცნოს შემხვედრ სატრანსპორტო საშუალებებთან შეჯახების რისკი გზაჯვარედინზე მოხვევისას. შეჯახების არიდების უნარი გაძლიერებულია საავარიო სიტუაციიისას საჭის მართვის სისტემით.

ეს სისტემა იყენებს მილიმეტრული დიაპაზონის მქონე რადარის სენსორს და კამერას, რათა აღმოაჩინოს წინ მიმავალი ავტომობილი და შეინარჩუნოს სათანადო დისტანცია. თუ წინ მიმავალი სატრანსპორტო საშუალება ჩერდება, ავტომატურად ჩერდება LM-ც. მას შემდეგ, რაც წინა ავტომობილი განაახლებს მოძრაობას, თქვენი LM-ც განაგრძობს სვლას. ეს სისტემა სწრაფად ამოიცნობს წინ გადამკვეთ მოძრაობას და ზოლში მოძრაობის დამხმარე სისტემასთან ერთად უფრო ნეიტრალურ ზოლს აირჩევს. დინამიკური რადარიანი კრუიზ-კონტროლი ასევე აგარიდებთ შედარებით ნელა მოძრავ ავტომობილს სხვა ზოლში გადასვლით.

*გაუმჯობესებული ზოლში მოძრაობის დამხმარე სისტემა ზრუნავს, რომ ავტომობილმა ზოლის ცენტრში იმოძრაოს, იყენებს რა "ბუნებრივი ზოლის კვალის" ფუნქციებს და მძღოლს ეხმარება მოხვევის დროს.

უკანა ბამპერზე განლაგებული რადარები აღმოაჩენენ ავტომობილებს, რომლებიც გვერდით სარკეებში არ ჩანან. თუ მძღოლი აპირებს ზოლის შეცვლას და ავტომობილი ბრმა ზონაში შედის, შესაბამის გვერდით სარკეში ჩნდება გამაფრთხილებელი სიგნალი.

რეგულირებადი შუქდიოდური ადაპტაციური შორი განათების სისტემა აღკვეთს სხვა მძღოლების დაბრმავების ალბათობას. მაშუქში განლაგებული დამოუკიდებლად ფუნქციონირებადი ჩიპები ირთვება/ითიშება განათებული და ჩაბნელებული მონაკვეთების ზუსტი კონტროლის მიზნით.